ബല്‍ജിയം ഭരണിയില്‍ നിന്ന്
ആദ്യ രാത്രിയില്‍ നിന്നെ പുറത്തെടുക്കുമ്പോള്‍
ഉപ്പും മുളകും
ഒട്ടും പിടിച്ചിരുന്നില്ല
എല്ലായിടത്തും
ഉപ്പു വെള്ളം സ്നിഗ്ദ്ധമായൊഴുകാന്‍
ഒരിക്കല്‍ കൂടി മുക്കിയെടുക്കാമായിരുന്നു
കണ്ണില്‍ ഉപ്പുവെള്ളം കയറിയപ്പോഴാവണം
നീയൊന്നു പിടഞ്ഞു
എരിവു പിടിക്കാതെയുള്ള നിന്റെ പിടച്ചില്‍
എന്റെ ഉള്ളുലച്ചു
ഇനി നീ
ഭരണിയില്‍ക്കിടന്നു തന്നെ
അലിഞ്ഞു കൊള്ളുക
വിളക്കണച്ചു
ഞാന്‍ കിടക്കയിലേക്ക് ചരിഞ്ഞപ്പോള്‍
കാല്‍ക്കീഴിലൊരു നെല്ലിക്ക ....
ഉപ്പും മുളകും പിടിക്കാതെ
അതെന്റെ കാല്‍ക്കീഴിലൂടെ
ഉരുണ്ടുരുണ്ടങ്ങിനെ....
(2006 -മാധ്യമം വാരാദ്യ പ്പതിപ്പ് )
മുമ്പ് മാധ്യമത്തില്‍ വായിച്ച്തോര്‍ക്കുന്നു.നല്ല രചന
ReplyDelete