Monday, May 16, 2011

പൂവിനും മണ്ണിനുമിടയില്‍


പറിച്ചു മാറ്റണമെങ്കില്‍ 
ആദ്യം അടിമണ്ണിലേക്കൊരു തൂമ്പയിറക്കണം 
നനവിന്റെ ശ്വാസകോശം 
ആദ്യമേ അറുത്തു കളയണം 
കുട്ടികളും പൂമ്പാറ്റകളും 
പൂക്കാരനുമുണരുന്നതിനു മുമ്പ് 
വാര്ധ ക്യത്തിലേക്കുഴിഞ്ഞു വെച്ച 
തോട്ടത്തിന്റെ പൂമണത്തെ
ച്ചുഴറ്റിപ്പിടിക്കണം
പൂമ്പാററയുടെ കാലുകളില്‍ നിന്ന് 
ശേഷിക്കുന്ന പൂമ്പൊടിയും 
തുടച്ചു മാറ്റണം 
കാറ്റ് കൊണ്ടുവരുന്ന 
പൂമണത്തെക്കുറിച്ചുള്ള സ്വപ്നങ്ങള്‍ പോലും 
അറുത്തുകളയണം
മണ്ണിനെയോര്‍ക്കുന്ന  വേരിന്റെ തുളഞ്ഞു നോട്ടങ്ങള്‍
ചെത്തിക്കളയണം

ഉള്ളു കത്തുമ്പോള്‍ 
നെഞ്ചോടു ചേര്‍ത്തു പുരുഷനാക്കുന്ന 
ഇളം ചൂടിനെ ഉരുക്കിക്കളയണം
കുടിക്കാനെടുത്ത വെള്ളത്തിലെ 
കിണറാഴംമറന്നു
H2O എന്ന്  വായിക്കാന്‍ പഠിക്കണം 

പറിച്ചു മാറ്റണമെങ്കില്‍ 
ഭൂമിയുടെ പച്ച ഗന്ധം പോലും 
ചിലപ്പോള്‍ മറക്കേണ്ടി വരും...

 

No comments:

Post a Comment