Tuesday, May 17, 2011

ഒരാള്‍ തിരിച്ചറിയപ്പെടുന്നത്

എന്നെ വായിക്കുന്നവന്‍ 
പുരോഹിതനല്ല
സഭാ വസ്ത്രങ്ങള്‍ കഴുകിയുണക്കുന്ന
പുരോഹിതനുമല്ല
എന്നെ വായിക്കുന്നവന്‍ 
അലക്കുകല്ലിന്റെ ജീര്‍ണിച്ച വേദനയാണ്  


എന്റെ വാക്കുകള്‍ 
യജമാനനെ ഭയക്കുന്ന 
ഇടര്‍ച്ചകളല്ല
പെയ്തൊഴിഞ്ഞ മഴയുടെ 
തുള്ളി വീഴ്ച്ചയാണ് 
എന്റെ വേഗങ്ങള്‍ 
ഓട്ടക്കാരന്റെ 
ആദ്യ മത്സരത്തിലെ  കിതപ്പുകളല്ല
ഫൈനലില്‍ ജയിച്ചവന്റെ വിശ്രാന്തഗതിയാണ്
എന്റെ കാമം
ഉടല് പിളര്‍ക്കുന്ന വന്യതയല്ല 
കാടിറങ്ങിയവന്റെ ശാന്തതയാണ് 
പ്രണയിക്കുമ്പോള്‍ 
എന്റെ കണ്ണുകള്‍ പുഴ തേടുന്നില്ല 
ഒഴുക്കില്‍ പെട്ട പൂവിതളുകളില്‍ 
നഞ്ഞു കുളിരുകയാണ് ....

എന്നെ വായിക്കുന്നവര്‍ക്കറിയാം-
കുരിശു ചുമന്നവന്റെ മുറിപ്പാടുകളാണ് 
എന്റെ തിരുവെഴുത്തുകളായത്.
-1998



1 comment:

  1. എന്നെ വായിക്കുന്നവര്‍ക്കറിയാം-
    കുരിശു ചുമന്നവന്റെ മുറിപ്പാടുകളാണ്
    എന്റെ തിരുവെഴുത്തുകളായത്.

    some truth can be repeatable even in 2011..!!!
    congrads

    ReplyDelete